الحل النهائي لمشكلة SET character_set_client = @saved_cs_client; عند الرفع بالـ bigdump

[H.M.S]

بسم الله الرحمن الرحيم

لقد لاحظت كثرة الاستفسارات عن تلك المشكله في الكثير من المنتديات و لم ارى اى حل شافي لها

و هو الان حصريا في نيو ستايل نظرا لطلبه هنا ايضا

المشكله دى بتحصل لما يكون في خلل في القاعده نفسها و انت بتاخد الباك اب .. السكربت بييجى لحد السطر ده و مبيلاقيش امر كتابة الجدول التالى

و دى مشكله كبيره ليها حلين .. الحل الاول .. معقد و انا اعرفه نظريا بس .. يعنى مجربتوش قبل كده .. انك تفك القاعدة و تفتحها و تكتب السطر الناقص يدوى

الحل التانى .. انك تستخدم سكربت تانى ... بما ان المشكله بتحصل لناس كتير فانا هاشرح الموضوع تفصيليا

رفع القاعده مبيكملش مش عشان الخطأ موجود .. لكن عشان سيرفر mysql هو المسؤال عن التعطيل و التبليغ بالخطا

بمعنى لو قدرنا نعدى نقطة انه يبلغ بالخطأ .. هنقدر نكمل رفع القاعدة و نحل مشكلة الجدول البايظ ده بكل بساطه

طيب سكربت bigdump ده سكربت بسيط جدا بينقل القاعده من ملف علي السيرفر لل mysql

يبقي الحل اننا نستخدم .. سكربت رفع يخلينا نتجاوز الموضوع ده .. وهو سكربت mysqldumper

و ادى رابط التنزيل لاخر نسخه التحميل من هنا



هترفعه من الاف تي بي و فك ضغطه و ادخل المسار الخاص بيه .. هتختار الللغه العربية و من تحت تضغط . installation

و بعد كده تكتب بيانات الوصول لقاعدة البيانات الخاصه بيك

بكده تكون انتهيت من تسطيبه و هو جاهز دلوقتى لرفع القاعده الخاصه بيك

طيب هتيجى ترفع بيه هيجيبلك نفس المشكله .. الحل بقي وهو ده اللي احنا مشينا عشانه المشوار ده كله ..

هتروح على >> الاعدادات
و منها على >> عام
ومنها على >> حدث خطأ اثناء المعالجة
و تختار >> تابع وقم بتسجيل الاخطاء

طيب دلوقتى احنا رفعنا القاعده و ده المهم .. احتمال بعد الرفع تجيبلك ..database error
لان زى ما قلنا في جدول معطوب .. وممكن تشتغل عادى . لو جالك database error
هتشوف نص الايرور ده ايه ومنه هتعرف اى جدول اللي فيه الخطا و تنسخه من قاعده سليمه و ان شاء الله الموضوع يمشي معاك تمام جدا

تحياتي : هاني سعداوي

[حازم زكريا]

شرح رائع منك يا هانى...بالتوفيق

[H.M.S]

الله يكرمك يا حازم .. شكرا ليك يا غالي

[Mr.Gh0sT]

شرح وافي وكافي
الله يباركلك

[H.M.S]

الله يكرمك يا غالي

[moode_9]

شكرا يا غالي d: